Эрүүл мэндийн тусламж үйлчилгээний чанар аюулгүй байдлын алба

ЭМТҮЧАБА нь албаны дарга, эмнэлзүйн чанарын менежер-2, аюулгүй байдал, эрсдэл хариуцсан менежер, эмнэлгийн тусламж үйлчилгээний чанарын мэдээллийн асуудал хариуцсан эмнэлгийн мэргэжилтэн гэсэн 5 орон тооны  бүрэлдэхүүнтэй  ажиллаж байна.

2021 оны 01 дүгээр сарын 06-ны өдрийн А/01 тоот тушаалыг хэрэгжүүлэн эрүүл мэндийн  тусламж, үйлчилгээний чанар, аюулгүй байдал эрсдэлийн удирдлагын нэгдсэн тогтолцоогоор хангах, удирдан зохион байгуулах, чанарыг тасралтгүй сайжруулах, хяналт шинжилгээ, үнэлгээ, арга хэмжээ авахад удирдлагаар хангах зорилгоор “Чанар, аюулгүй байдал, эрсдлийн баг”-ийг зохион байгуулж, удирдлагын хорооны бүрэлдэхүүн, үйл ажиллагааны зохион байгуулалтыг батлан, журам боловсруулсан, хэрэгжилтэд хяналт тавьж ажиллаж байна.

2021 оноос эхлэн “ЭНЭҮТ-II-ын эмнэлзүйн эрсдэлийг бууруулах төлөвлөгөө”-г боловсруулан, төлөвлөгөөний дагуу тасаг, албаны чанар-эрсдэлийн багаар дамжуулан үр дүнг тооцон ажиллаж байна.

Олон улсын ISO стандартын дагуу бичиг баримтыг нэгдсэн кодын системийг нэвтрүүлэх зорилгоор тасаг албадын баримт бичиг болон хавтсыг нэг стандартанд оруулан, эмх цэгцийг үүсгэх, дүрэм журмыг баримталж, ажлыг хөнгөвчлөн, бүтээмжийг дээшлүүлэх зорилгоор 5S-г хэрэгжүүлж эхэлж байна.

Хэвтэн эмчлүүлэгч, амбулаториор үйлчлүүлэгчдийн сэтгэл ханамжийн судалгааг QR код болон цаасан хэлбэрээр сар бүр авч улирал тутамд нэгтгэж, удирдлагын зөвлөлийн шуурхай хурлын цагаар  танилцуулж, хариу арга хэмжээ авч ажиллаж байна.

Үйлчлүүлэгч төвтэй тусламж үйлчилгээг төлөвшүүлэх, эмчийн үзлэг оношлогоо, эмчилгээ хийх, өвчний түүхийг цахим хэлбэрээр бичихэд нэгдсэн стандарт баримтлах, оношлогоо эмчилгээний үр дүнг дээшлүүлэх, үйлчлүүлэгчид тавих хяналтыг сайжруулах, тасгийн эмч нарын үйл ажиллагааг хянах, үйлчлүүлэгчдийн эрэлт хэрэгцээ, сэтгэл ханамжийг дээшлүүлэх, эмнэлгийн мэргэжилтэн хооронд болон үйлчлүүлэгчидтэй харилцах харилцаа хандлага, ёс зүйн хэм хэмжээг дээшлүүлэх, хэвшүүлэх зорилгоор эмч, сувилагч, эмнэлгийн ажилтан, резидент эмч нарт “Үйлчлүүлэгчийг зөв танин тодруулах журам”, “Цахим өвчний түүх бичих, хэвлэх, хадгалах журам”, “Эрсдэлийн удирдлага, эрсдэлийн үнэлгээ хийх арга, “Байгууллагын соёл”, “Ёс зүйн харилцаа, хандлага”, “Бичиг баримт, эм тариа, тоног төхөөрөмжийн 5S-ийн хэвшүүлэх”, “Гарын эрүүл ахуй сахих дадал хэвшилд сургах”, “Тарилгын аюулгүй байдлыг хангах”, “Гардан үйлдлийн ур чадварыг сайжруулах”, “Эмийн аюулгүй байдлыг хангах”, “Үйлчлүүлэгчийг эмийн зөв хэрэглээнд сургах” “Антибиотикийн зохистой хэрэглээ”, ”Чанарын шалгуур үзүүлэлт” гэх мэт сэдвүүдээр чиглүүлэх болон төлөвлөгөөт сургалтууд тогтмол зохион байгуулж байна.