Хүүхдийн эмнэлэг

Эх, нярай эмэгтэйчүүдийг үндэсний төвийн Хүүхдийн эмнэлгийн хүүхдийн эрчимт эмчилгээний  тасаг нь 2022 оны 3 сарын 7-нд байгуулагдсан. Байгуулагдсан цагаас хойш нийт 1000 гаруй хүнд болон нэн хүнд хүүхдэд эрчимт эмчилгээний тусламж үйлчилгээ үзүүлсэн. Ажиллах хугацаанд Ковид- 19 болон томуугийн өвчлөлд зориулан улаан болон ногоо бүсийн эмчилгээний тасгийн зохион байгуулалтанд орж маш хүнд болон хүндээр өвдсөн хүүхдийн нэн шаардлагатай тусламж үйлчилгээг  амжилттай үзүүлсэн. Хүүхдийн эрчимт эмчилгээний тасаг  тасгийн эрхлэгч -1 эрчимт эмчилгээний эмч- 4  ахлах сувилагч -1 ээлжийн сувилагч -6 туслах сувилагч -1 үйлчлэгч -3  нийт – 16 хүний бүрэлдэхүүнтэй хүүхдийн эрчимт эмчилгээний тусламж үйлчилгээг тасралтгүй үзүүлж байна.

Хүүхдийн дотрын тасаг нь 2022 оны 3 сарын 01-ний өдрөөс хүүхдийн зүрх, мэдрэл, бөөр, хоол боловсруулах өвчний чиглэлээр нийт 15 эмч, 9 сувилагч, 9 туслах сувилагч, 6 үйлчлэгчтэйгээр тусламж үйлчилгээ үзүүлж байна.

Хүүхдийн чих хамар хоолойн мэс заслын тасаг 2022 оны 4 сараас  эхэлж  3 эмч, 3 сувилагч, 3 туслах сувилагчийн бүрэлдэхүүнтэй тусламж үйлчилгээ үзүүлж байна.

Хүүхдийн ерөнхий мэс заслын тасаг 2022 оны 09 сарын 01-с 3 эмч, 4 сувилагч, 3 туслах сувилагч, 3 үйлчлэгчийн бүрэлдэхүүнтэй тусламж үйлчилгээ үзүүлж эхэлсэн бөгөөд нийт 55 хүүхдэд мэс заслын тусламжийг амжилттай үзүүлсэн байна.

Эх, нярай эмэгтэйчүүдийн үндэсний төвийн хүүхдийн уушги судлалын тасаг нь 2022 оны 3 сарын 1 ны өдрөөс хэвтэн эмчлүүлэх 57 ортой,  нийт 13 ажилтантай тусламж үйлчилгээ үзүүлэн ажиллаж байна.

2022 онд тасагт хэвтэн эмчлүүлсэн хүүхдийн өвчлөлийн байдал /хувиар/

Дүгнэлт:Жилийн өвчлөлийн байдлыг дүгнэхэд уушгины хатгалгаа 1212/44%/, гуурсан хоолойн цочмог үрэвсэл 613/22%/, ходоод гэдэсний цочмог үрэвсэл 418/15.2%/, ларингит 76/2.7%/ дийлэнх хувийг эзлэж байгаа нь харагдаж байна.

Эх, нярай эмэгтэйчүүдийн үндэсний төвийн Нярайн эмгэг судлалын тасаг нь 2022 оны 06 сарын 15-д үйл ажиллагаагаа эхлүүлсэн. Уг тасаг нь нийт 60 ортой ба үүнээс эрчимт эмчилгээний 10 ор, дутуу нярайн 8, мэс заслын дараах 2 ортойгоор гурван хэсэг платны зохион байгуулалттай үйл ажиллагааг явуулж байна. Тус тасаг нь одоогийн байдлаар гүйцэт төрсөн нярайд 28 хоног, дутуу төрсөн нярайд 60 хоног дотор нярайн 3 дахь шатлалын тусламжийг улсын хэмжээнд үзүүлж байна.

Тасагт нярайн эмч-4, ахлах сувилагч-1, нярайн сувилагч-3, туслах сувилагч-3, үйлчлэгч-3, нийт-14 хүний бүрэлдэхүүнтэй ажиллаж байна.

Нярайн эмгэг судлалын тасаг нь нярайн амьсгалыг удирдах зохиомол амьсгалын аппарат, нярайн амин чухал үзүүлэлтийг хянах мониторууд, нярай хүүхдийн судсанд эм бэлдмэлийн тун, хэмжээ, хугацаа хурдыг өндөр нарийвчлалтай, тасралтгүйгээр хийх дуслын автомат тариур ба шахуурга, хүчилтөрөгчийн төвлөрсөн хангамж, хүчилтөрөгч өтгөрүүлэгч аппарат, инкубатор, дулаацуулах ширээ, 360 фото болон лед фото эмчилгээний аппарат зэрэг орчин үеийн эмнэлгийн тоног төхөөрөмжөөр хангагдсан.

Эх, нярай эмэгтэйчүүдийн үндэсний төвийн Хүүхдийн яаралтай тусламжийн тасаг нь  2022 оны 03 дугаар сарын 01-ний өдрөөс эхлэн харъяалал харгалзахгүйгээр хүүхдийн өвчний яаралтай тусламж үйлчилгээг үзүүлж эхэлсэн.

Тасаг нь 5 эмч, 7 сувилагч, 3 үйлчлэгчтэй, хүлээх хэсэг, эрэмбэлэх хэсэг, үзлэгийн өрөө, эмчилгээ хийж ажиглах өрөө буюу ажиглалтын 15 ор, 0-18 насны хүүхдэд яаралтай тусламж үзүүлэх бүрэн тоноглогдсон хэсэгтэй 24 цагаар тусламж үйлчилгээ үзүүлж байна.

Хүүхдийн амбулатори нь хүүхэд, нярай, хүүхдийн чих хамар хоолой, хүүхдийн мэс засал, хүүхдийн эрүү нүүрний мэс засал, хүүхдийн шүдний үзлэгийг ажлын өдрүүдэд хийж байна.