Төлөвлөгөө тайлан

Эрүүл мэндийн тухай хуулийн хэрэгжилт

·         Эрүүл мэндийн салбарт ажилласан 5 жил тутам 1 хоног ээлжийн амралтын хоног дээр олгох хуулийн заалтын дагуу 181 ажилтанд 1-6 хоногийн нэмэгдэл олгосон.

·         29.2 дахь заалтын дагуу өндөр насны тэтгэвэр тогтоолгосон 4 албан хаагчид 52,073,113 сая төгрөгийн тэтгэмжийг олгосон.

Хөдөлмөрийн тухай хуулийн хэрэгжилт :

·         2024 оны эхний 11 сарын байдлаар Хүний нөөцийн үйл ажиллагаатай холбоотой Ерөнхий захирлын Б тушаал  523, А тушаал 51 боловсруулж батлуулсан.

·         Хөдөлмөрийн тухай хуулийн туршилтын хугацаагаар ажиллуулах 57 дугаар зүйлийг хэрэгжүүлэн төвд шинээр ажилд орсон  84 ажилтантай хөдөлмөрийн туршилтын гэрээ байгуулж ажилласан.

Авлигын эсрэг хуулийн хэрэгжилт:

·         Төвийн хэмжээнд 2 өдөрлөг 2 аян зохион байгуулж нийт 1120 хүн, нийт 19 удаагийн сургалтаар 1025 хүн, 47 удаагийн сурталчилгаа хийж 14500 хүн хамруулж 2000 ширхэг 4 төрлийн сурталчилгааны гарын авлага боловсруулан иргэдэд тараасан.

·         Гадны төрийн-2, төрийн бус-2, ААН-5 байгууллагатай хамтран нийт 2 удаагийн сурталчилгаа зохион байгуулж нийт 540 иргэн хамруулан ажилласан байна.

·         Цахим фэйж хуудас болон бусад дүүргийн олон дагагчтай групп хуудсууд дээр ажил мэргэжлийн онцлогт тохирсон  Эрүүл мэндийн сайдын 2019 оны 09 сарын 04-ний өдрийн  А/406 дугаар тушаал, Төрийн албан хаагчийн ёс зүйн тухай хууль Эрүүл мэндийн багц хуулиуд, Хөдөлмөрийн хууль, Төрийн албаны тухай хууль,  Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль зэрэг мэдээ мэдээллийг нийт 21 удаа байршуулж нийт 12500 хүн хандалт хийсэн байна.

·         Веб хуудасны Хүний нөөцийн ил тод байдал буланд постер мэдээлэл 12-ыг байршуулан эмч, ажилчид болон иргэдэд зөвлөмж мэдээллийг хүргэж тогтмолжуулсан байна.

Архив, албан хэрэг хөтлөлтийн тухай хуулийн хэрэгжилт:

·         Ерөнхий захирлын 2024 оны 11 сарын 18-ны өдрийн А/51 дугаар тушаалын хоёрдугаар хавсралтаар байгууллагын хэвлэмэл хуудасны индекс, гуравдугаар хавсралтаар хэвлэмэл хуудасны нэр төрлийн дугаарыг тус тус баталсан.

·         Албан хэрэг хөтлөлтийн Абле программ нь DOCX программтай холбогдсон тул төрийн байгууллагуудтай харилцан албан бичиг солилцоход илүү хялбар болсон. 2025 оны 1 сараас Байгууллагын тусгай нөхцөлтэй гэрээгээр нийт 10 албан хаагчийг дотоод сүлжээнд нэмж, ашиглалтыг сайжруулахаар ажиллаж байна.

2020-2023 оны архивын баримтад байнга, түр, 70 жил, өвчний түүхийн баримтуудын нэгдсэн бүртгэлийг үйлдэж төвийн дэргэдэх БНШК-ын 2024 оны 02 дугаар хурлаар хэлэлцүүлэн Ерөнхий захирлаар батлуулан ажиллалаа.